€17,00
Lehenago, ume zoriontsua zen garaian, Gabriel sekulako abenturetan sartuta ibiltzen zen bere lagunekin etxe ondoko paradisu txikian, kalean. Gero, ordea, familiako bakea hausten hasi zen gurasoak bereiztean eta istiluak ugaritzean bere “herri txikian”, Burundin, Historiak hain gaizki tratatu duen Ertafrikako herrialdean.
Aita kolono frantsesa eta ama Burundin bizi den ruandar tutsi emigratua izanik, 1994ko hutuen eta tutsien arteko gerra-genozidio-txikizio erabatekoan harrapaturik suertatu zen umea zelarik.
Itzultzailea: Irati Bereau.
Zaila zait nobela hau deskribatzea, Ruanda gerra latza ondo baino hobeto kontatzen duena. Beraz, Gaël Fayeren lerro esanguratsu zenbait ekarriko ditut hona azkenik, nobelara hurbiltzeko lagungarriak direlakoan: “Ruandan, gauzak hark, gerra ez zen gauza hark, hiru hilabete luze iraun zuen. Ez naiz gogoratzen zer egin genuen hilabete haietan. Ez naiz gogoratzen ez eskolaz, ez lagunez, ezta eguneroko biziaz ere. Etxean, laurak elkarrekin ginen berriz ere, baina zulo handi batek irentsi gintuen bai gu bai gure memoria”.
Auto laguntza liburu teraupetikoen garaian, Fayek benetako literatura eraiki du sabana odoleztatuetatik, alta bada, umorerako prestutasuna galdu barik. Eta agian horrek egiten du nobela afrikar, europearrok nekez ulertu baitezakegu umorerik gabe ezin daitekeela aurre egin bizitzak eskaz iraun dezakeenean. Memoriaren bidez testigu izatea erraza da, dena galdu ondoren kolorez eta bizi grinez narratzea bestelako kontua da. Narratzaile bikainek bakarrik egin baitezakete.
Irati Bereau (Irun, 1978). Frantsesetik politikari buruzko saiakerak ekarritakoa da, Voltairerenak edo Tocquevillenak besteak beste. Baita Eve Curiek bere ama Marie Curieri buruz idatzi biografia ezaguna ere. Ene herri txikia du literatura itzulpengintzan lehen lana.
| Orrialde kopurua | 208 |
|---|---|
| Neurria | 12 x 20 zentimetro |
| ISBN | 978-84-949795-9-0 |
| Argitaratze data | 2019/09/29 |
