Curzio Malaparte
Benetako izena Kurt Erich Suckert zuen, eta Toscanako Praton jaio zen 1898an. Lehen Mundu Gerran alemanen aurka borrokatua, 1922an Alderdi Nazional Faxistan sartua, hainbat aldizkari politiko-literarioren sortzailea, Corriere della sera eta Tempo agerkarien artikulugilea eta, Bigarren Mundu Gerran, gerra berriemailea hainbat frontetan, liburu asko eta askotarikoen idazle izan zen. Bigarren Mundu Gerraren ondoren Parisera aldatu eta antzerki lanak moldatu zituen. Erroman hil zen 1957an.
