Gianni Celati

Haurtzaroa eta nerabezaroa Ferrarako probintzian igaro zituen. Ingeles literaturan lizentziatu zen, James Joyceri buruzko lan batekin. Ezagun bihurtu zuen trilogiaz eta gainontzeko bere literatur lanez gain, itzultzaile moduan ere uzta oparoa du: Jonathan Swift, William Gerhardie, Herman Melville, Stendhal, Louis Ferdinand Céline, Mark Twain, Roland Barthes, Jack London, Henri Michaux edo Georges Perec itzuli ditu italierara. Horrez gain, dokumental zuzendaria ere bada. Brightonen bizi izan da urte luzez.