€8,00
Ross Macdonalden izena beti Hammett eta Chandler handien izenarekin hirukotea osatzen agertu ohi da, eta bereziki Chandlerren jarraitzailetzat hartzen dute nobela beltzaren azterlariek. Izan ere, hura desagertu zenean, Macdonaldek Philip Marloweren jarraitzaile bikaina utzi baitzigun Lew Archer ikertzaile pribatuaren sorrerarekin.
Itzultzailea: Javi Cillero.
Itxuraz bizitza eroso eta normala daramaten pertsonaia batzuei zerbait berezia (lapurreta bat honetan) gertatzen zaie. Honek abiadan jartzen ditu gertaeren segida eta, hau hasiz gero gelditzea ezinezkoa baita, pertsonaiek gordetzen dituzten sekretuak agertuko zaizkigu, beren iragan ilunak, beraien arteko harreman ezkutuak. Batzutan irakurleak hainbeste korapiloren artean galtzeko arriskuan dagoela pentsa badezake ere, ez du ahaztu behar eleberri hauek pazientzia piskat eskatzen dutela. Denak bere arrazoia du, batzutan irakurlearen susmoak baieztatuz, bestetan alde batera utziz. Elkarrizketak dira liburuaren beste puntu aipagarri bat. Idazleak halako trebezia bitxia erakutsi du elkarrizketa zuzen eta bizi hauek idaztean, baita itzultzaileak ere euskaratzean.
Javi Cillero (Bilbo, 1961). Kazetaritzari ikasketak burutu ondoren, Renon itzulpengintza doktore-ikasketak egin zituen. Ondoren, Genevan Nazio Batuen Erakundearentzat itzultzaile moduan hasi zen. Misteriozko hainbat nobela itzuli ditu, baina baita Mark Twain, Charles Dickens edo Roald Dahlen klasikoak ere.
| Orrialde kopurua | 328 |
|---|---|
| Neurria | 10,5 x 17 zentimetro |
| ISBN | 978-84-87484-29-2 |
| Argitaratze data | 1997/09/01 |
