"Eleberri labur baina sakona da, eta gerra batera garamatza, baina ez da zehaztapenik ematen, ez non gertatzen den, ez zein den atzean dagoen auzia. Protagonista nagusia neskato bat da, Nina, eta bigarren mailan, haren neba eta aita. Bi denbora tarte oso aldenduetan garatzen da nobela, eta pertsonaiak ere oso garai ezberdinetan ikusiko ditugu".

Miren Artetxek, 2021eko urtarrilaren 31n.

"80 orrialde eskas dituen nobela ondu du Alessandro Bariccok, eta hori da obrak duen alderdirik erakargarriena. Dena xehe-xehe kontatzeko ezintasunak berak, intentsitatea ez ezik, xarma puntu bat ere ematen dio testuari: gertaerak ez dira guztiz kontatzen, irakurlearen interpretazioa eskatzen dute, irakurleari protagonismoa ematen zaio, bere parte-hartzea aldarrikatzen da. Zenbat irakurle, horrenbeste irakurketa eta interpretazio eragiten ditu nobelak".

Nagore Fernandezek, 2021eko otsailaren 7an.