€21,00
Misterioaren lagun, hemen dituzu Sherlock Holmes detektibearen eta Watson doktorearen 12 istorio izugarri. Ingalaterrako zaldi-lasterketetako krimen lazgarriak, ongi hezitako familien erritu ezohikoak, maitasun eta desira arriskutsuegiak, buruhaustez beteriko hilketak, Moriarty irakasle iluna… Horiek eta beste asko topatuko dituzu orriotan. Sherlock Holmesek eta Watson doktoreak arrazoimen hutsaren eta haien arteko laguntasunaren indarraz egingo diote aurre kasu bakoitzari. Batzuetan zure laguntza beharko dute, irakurle, hilketa asko ez baitira, ez, argitzen errazak…
Itzultzailea: Aitor Blanco Leoz.
Ilustratzailea: Adur.
Hala ere, bilduma honetan, interesgarria da, batetik, jadanik Sherlocken zenbait liburu idatzirik izanik, idazleak aukera daukala aurreko abenturekin jolasteko, eta hala erreferentzia egiten die detektibearen aurreko ibilerei, denboran zehar garatuz doan pertsonaia dela erakutsiz. Bestetik, ipuinero agertzen du Sherlocken ezaugarri berriren bat, jadanik egonkortua dagoen bere irudia (famatua, hutsik gabekoa, serioa, hotza) aberastuz: urduri agertzen da, depresioa du, txakalaldiak… Horrez gain, bere lehendabiziko kasua aitortzeak edota asmatu ez zuen misterio bat onartzeak pertsonaia are gehiago humanizatzen dute.
Aitor Blanco Leozek (Iruñea, 1991) Itzulpengintzako eta Interpretazioko Gradua eta Euskal Hizkuntzalaritzako eta Filologiako Masterra egin zituen Euskal Herriko Unibertsitatean. 2017az geroztik itzultzaile eta interprete dihardu Nafarroako Unibertsitate Publikoan. Hau du bere lehen itzulpena Igelan. Holmes baino zehatzagoa eta Watson baino majoagoa da.
| Orrialde kopurua | 280 |
|---|---|
| Neurria | 17 x 22,5 zentimetro |
| ISBN | 978-84-123796-2-4 |
| Argitaratze data | 2021/11/30 |
